Үздік дзюдоистер Өскеменде жаңа жекпе-жек Сарайында жиналды

(Дауыстар: 1)
Үздік дзюдоистер Өскеменде жаңа жекпе-жек Сарайында жиналдыӨскемен қаласындағы жаңа жекпе-жек Сарайында еліміздің үздік дзюдоистері жиналды. Ғимарат ресми түрде ашылмаса да, спортшылар бүгін бастау алатын республикалық чемпионатта мықтыларды анықтайды. Жарысқа қатысып, шеберлігін паш ететін дзюдоистер алғашқы болып жаңа ғимараттың негізгі аренасы мен жаттығу залдарын сынамақ.

Сарайдың негізгі құрылыс жұмыстары аяқталды, бүгінгі таңда мердігерлер аумақты абаттандырумен айналысуда.

Енді жас споршылар заманауи стандарттарға сәйкес келетін, арнайы мамандандырылған Сарайда жаттығуға мүмкіндік алды. Сарайдың көрермендер залы 1200 адамға шақталған. Бұған қоса үш жаттығу залы мен киім ауыстыру бөлмелері өз жұмысын бастамақ.

Ал республикалық, халықаралық жарыстардың жүлдегерлерін тәрбиелеген Шығыс өңірі үшін аталмыш чемпионаттың Өскеменде өтуі жергілікті тұрғындар үшін айрықша мән береді.

Бұған қоса, облыс әкімі Бердібек Сапарбаевтың айтуынша, соңғы екі жыл ішінде салауатты өмір салтын ұстанып, бұқаралық спортқа бет бұрған шығысқазақстандықтардың саны күрт артты. Облыс намысын түрлі жарыстарда қорғап келген 4 мыңға жуық спортшы 700-ден астам залда, 72 жаттықтырушының қол астында шынығып келеді. Олардың ішінен Қазақстанға еңбегі сіңген Серік Тоқтарғазин мен Иван Цикунов сынды бапкерлерді ерекше атап өтуге болады.

- Спортпен шұғылданатын бұқараның саны 330 мың адамды құрайды, облыста 20 мыңнан астам жас жеткіншекті тәрбиелеп келген 3 мыңға жуық спорттық нысан, 34 балалар мен жасөспірімдер спорт мектептері жұмыс істеді. Табиғи және жасанды төсемдері бар 112 футбол алаңы бар. Таяуда жеңіл атлетика манежін, Олимпиадалық жүзу бассейнін іске қосу жоспарлануда. Зырян, Риддер қалаларында хоккей модульдерінің, Шимонаиха ауданында спорттық модульдің құрылыс жұмыстары басталмақ, - деді әкім өз сөзінде.

ШҚО ақпараттық орталығы

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар