«Қазақстан» мәдени-тарихи кешені Өскемен қаласының құндылықтарының бірі

(Дауыстар: 6)
  • 21 қаңтар 2014, 12:07 |
  • Пікірлер: 10
«Қазақстан» мәдени-тарихи кешені Өскемен қаласының құндылықтарының бірі

Кейбір БАҚ Өскемендегі Ботпай тауында орналасқан «Қазақстан» кешеніндегі Туды жаңартуға мемлекет қазынасынан қыруар қаржы жұмсалғаны жайлы мәселе көтерілген-ді. Мемлекеттік Ту ауа райының әсерінен ескіріп, тозғандықтан бірнеше мәрте ауыстырылған. 2013 жылы алынған тудың 3 данасы түгелдей зақымдалып, қосымша тағы 3 данасын алуға тура келді.

Аблакетка тауы төріндегі мемлекеттік нышандар кешені 2009 жылы қала әкімдігінің бастамасымен өскемендіктердің абройын асқақтатып, патриоттық тәлім-тәрбие беру мақсатында ашылды. Дәл осындай нысан ел ордасы Астанада ғана бар.

Ерекше кешенді әу бастан-ақ есімдерін атағысы келмеген екі ірі компания туған жеріге тағзым ете отырып, қала халқына тарту етті. Қаладан 266 метр биіктікке «Қазақстан» деген алып жазуы орналастырылды. Жанына ту тігілді. Ұзындығы 24, ені 12 метр болатын, политекс матасынан жасалған жалауды Өскемен қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі мемлекеттік тапсырыс заңы аясында байқау жариялай отырып, ҚР жалауы мен басқа да рәміздерін жасауға мемлекеттік лицензиясы бар Алматы қаласындағы «Алматыоформление» АҚ-нан сатып алған. Әр тудың бекітілген сатылым бағасы 1 150 000 теңге.

Шың басына 2011 жылы жылы ашық аспан астындағы театр да салынды. Осы жерде мемлекеттік рәміздер күні және басқа да мемлекеттік маңызы бар ауқымды шаралар өткізіліп жүр.

2012 жылы 1500 оқушының қатысуымен өткен мемлекеттік рәміздеріміздің 20 жылдық мерейтойына орай Қазақстан тарихы мен қала тарихында айрықша орын алған оқиғалар тізімі тасқа, темірге қашалып жазылды. Үздік жобалар шың басына көтерілетін баспалдақтың бойына хронологиялық ретімен қойылды. Енді мұнда келген адам ел тарихында ерекше орыны бар Семей ядролық сынақ полигонының жабылуы, Қазақстанның тұңғыш ғарышкерінің көкке самғауы, Ұлттық валютаның айналымға шыққан күні, ал қала тарихынан «Жеңіс» мемориалдық кешенінің ашылуы, қазақтың данасы Абай ескерткішінің қойылуы және тағы басқа көптеген тарихи күндерді еске түсіріп, мағлұмат ала алады.

«Қазақстан» кешеніне келетін адамдар қарасы күн санап артып келеді. Саяхатшылар мен қала қонақтарын құшақ жайып қарсы алатын ерекше нысан сөзсіз өскемендіктердің мақтанышына айналып отыр.

Мәлімет көзі: ШҚО Ақпараттық орталығы

Пікірлер:

УКА | 21 қаңтар 2014 12:30
Таудағы ту жыртылып та қалады
ВГПЛТД | 21 қаңтар 2014 12:31
Туға қанша ақша жұмсасада артықтық етпейді
Асылзат | 21 қаңтар 2014 12:33
«Қазақстан» тауына келетіндер көп. Тауға шықсаң қаламыз кіп-кішкентай болып көрініп тұрады, таудағы көрініс тамаша
Самиға | 21 қаңтар 2014 12:35
Таудың Ботпай деген атауын жастарымыз білмейді де, олар Қазақстан деп атап кеткен. Қайда барасың десе Қазақстан тауына деп айтып жатады
Шахеризат | 21 қаңтар 2014 12:38
мынау тура Астанадағының көшірмесі қолдарынан келсе басқа нәрсе салмадыңдар ма көшіре бергенше
Тұрар | 21 қаңтар 2014 12:51
7 миллион қаржы кетті деп естіп ем. Сол рас па
Эльвира | 21 қаңтар 2014 13:03
Байрағымыз жауын-шашынның астында, желдің өтінде тұрғандықтан оны жиі ауыстыруға тура келетіні белгілі канешна.
Казах | 21 қаңтар 2014 13:05
Туымыздың жаңарып тұрғаны жақсы а то кейде мемлекеттік ғимараттарда ілініп тұрған көк байрағымыздың сарғайып кететіні тағы бар. Сондықтан 3 рет емес, 12 рет жаңарып тұрсада қарсы емеспіз
Хихихихихихи | 21 қаңтар 2014 13:09
Есеп беру жиналысына түсіп кеттім бе де қоям))))))))) хихихи
Гүлнара | 21 қаңтар 2014 13:13
2012 жылы 1500 оқушының қатысуымен өткен мемлекеттік рәміздеріміздің 20 жылдық мерейтойына орай Қазақстан тарихы мен қала тарихында айрықша орын алған оқиғалар тізімі тасқа, темірге қашалып жазылды дей ма? Ол қай жерде?
Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар