Шәкәрім атындағы университеттің білім жүйесіне шетелдік тәжірибе енгізілетін болады

(Дауыстар: 1)
Шәкәрім атындағы университеттің білім жүйесіне шетелдік тәжірибе енгізілетін болады

Семей қаласындағы Шәкәрім атындағы мемлекеттік университеттің білім жүйесіне шетелдік тәжірибе енгізілетін болады. Жоғары оқу орнының ректоры Шәріпбек Әмірбеков оқу орнының белсенді студенттерімен, әр факультеттің старосталарымен кездесу барысында осындай бастамасымен бөлісті, деп хабарлайды Аltaynews.kz тілшісі.

Университет ректоры жиында Елбасының биылғы Қазақстан халқына жолдауында көрсетілген «Мәңгілік ел» идеясының маңыздылығына тоқталды. Осы ретте кездесуде студенттердің білім сапасын жетілдіру, олардың ғылыммен айналысуға деген құштарлығын арттыру мәселелері кеңінен қозғалды. Бүгінгі студенттердің білім деңгейі қандай? Студенттердің өзін-өзі басқаруға, өзінің білім сапасын жақсартуға талпынысы қандай? Міне, университет ректоры мен жиынға қатысушылар осы сұрақтардың жауабын іздеді. Кез-келген жоғары оқу орнының түлегі зерек, жоғары білікті және өз саласы бойынша мамандығын жетік меңгерген, төрткүл дүниенің әр елінде сұранысқа ие, бәсекеге қабілетті маман болуы қажет. Бұған тек білім беруші ұстаздар қауымы ғана емес, студенттердің өздері де белсенді болуы шарт.

Шәкәрім атындағы университеттің білім жүйесіне шетелдік тәжірибе енгізілетін болады

Сөз барысында Шәріпбек Ағабайұлы университеттің білім жүйесіне шетелдік тәжірибені енгізу керектігін алға тартты. Ал, бұл мәселенің жүзеге асуына шет мемлекетте білім нәрімен сусындап, мол тәжірибе жинақтап келген университет студенттері ат салыспақ. Әрине, бұл алдағы уақыттың еншісінде. Бұл өз кезегінде, жастардың білім деңгейін жоғарылатуға өзіндік ықпалын тигізері анық. Иә, кез-келген елдің болашағы, сол елдің білімі мен ғылымына байланысты. Бүгінгі заманның талабы осындай.

Кездесуге келген белсенді жастар көкейлерінде жүрген сауалдарын, ұсыныс-тілектерін жолдап, тұщымды жауап алды. Жиын соңында Университет ректоры жалынды, жігерлі жастарды білім алумен қатар, қоғамдық өмірге белсенді түрде атсалысуға шақырды. Тек мұндай маңызды жиыннан жастар жағы жақсы қорытынды шығарса игі.

Жібек Серғазы
сурет автордікі
Мәлімет көзі: Аltaynews.kz

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар