«Астана Опера» Қазақстан бойынша гастрольдік сапарын бастады

(Дауыстар: 1)
«Астана Опера» Қазақстан бойынша гастрольдік сапарын бастады

Өскеменге «Астана Опера» мемлекеттік опера және балет театрының бишілері екі күндік гастрольдік сапармен келіп, қалалықтарды өнерімен тәнті етіп қайтты, деп хабарлайды Аltaynews.kz тілшісі.

Металлургтердің мәдениет сарайында өткен астаналық өнерпаздардың концерттік бағдарламасын жұртшылықпен бірге облыс Әкімі Бердібек Сапарбаев және Олимпиада чемпионы Ольга Рыпакова да тамашалады.

Бұған дейін Қытайдың Шанхай және Бейжің қалаларында еліміздің мәдени күндері аясында өнер көрсетіп, шетелдіктерді тамсандырған астаналық бишілер өскемендіктердің назарына «Құс жолы» композициясы негізінде ұлттық және әлемдік би өнерінің жауһарларынан үзінділер ұсынды. Қазақ халқының және әлем елдерінің билерін нақышына келтіре орындаған елордалық бишілердің өнерін залға сыймай қалған жұрт тік тұрып тамашалады. Көркем киімге үйлескен әдемі қимыл мен әсерлі қозғалыс көрермендерді бірден баурап алды.

Айта кетейік, бұл – аталған өнер ұжымының еліміз бойынша жасаған алғашқы гастрольдік сапары. Әлемдік турне аясында өнер көрсетіп жатқан астаналық бишілер биыл Алматы, Шымкент, Тараз, Астана және Франция, Австрия, Ресей, Түркия, Корея мемлекеттеріне концерттік қойылымдарымен баруды жоспарлап отыр.

Концерт соңында астаналық өнерпаздарға облыс Әкімі атынан ықылас гүлі ұсынылды.

Мәлімет көзі: Аltaynews.kz

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар