Жаһандану жағдайындағы оқытудың өзекті мәселелері

(Дауыстар: 1)
Жаһандану жағдайындағы оқытудың өзекті мәселелері

Ағымдағы жылдың 21-ші ақпанында Семейдегі №34 мектеп және Шәкәрім атындағы мемлекеттік университеті бірлесіп, «Жаһандану жағдайында қазақ тілі мен әдебиетін оқытудың өзекті мәселелері» тақырыбында семинар өткізді. Семинардың мақсаты: жаһандану жағдайындағы қазақ тілі мен әдебиетін оқытудың өзекті мәселелерін анықтай отырып, тиімді әдіс-тәсілдер арқылы жою жолдарын қарастыру.

Ұйымдастырушылар жоғарғы оқу орны мен жалпы орта білім беретін мектептер арасындағы сабақтастықты жүзеге асыру мен мектеп мұғалімдерінің озық іс-тәжірибелерін таратуды міндет етті. Кіріспе сөз мектеп директорының оқу ісі жөніндегі орынбасары Аккожина Р.М еншісіне тиді. Алғы сөзден кейін «Қазіргі қазақ әдебиетін оқытудың өзекті мәселелері» тақырыбындағы баяндамасымен университетіміздің филология факультеті, қазақ әдебиеті кафедрасының меңгерушісі Ақтанова Айман Советқызы ойын ортаға салды. Оқытушылар тарапынан әр түрлі сұрақтар қойылып, пікір алмасқаннан кейін қазақ тілінің теориясы мен әдістемесі кафедрасының меңгерушісі Жұмағұлова Әлия Матайқызы «Жаһандану жағдайында қазақ тілін оқытудың тиімді жолдары» атты баяндама жасады. Оқытудағы тиімді тәсілдер, Алматы кітап баспасынан шыққан қазақ тілі оқулықтарының ерекшеліктері жөнінде сөз етіліп, жан-жақты талдау жұмыстары жүргізілді. «Бастауыш сынып оқушыларының шығармашылық қабілеттерін дамытудағы ауыз әдебиетінің рөлі» атты әдістемелік құралды бүге-шүгесіне дейін Досанова Г.К таныстырды. Мектептегі «Ізденіс» шығармашылық тобының жетекшісі Сейтқазина Н.З семинарды қорытындылап, университет мұғалімдеріне алғыстарын білдірді.

Данагүл Байболова, Семей қаласы
Шәкәрім атындағы мемлекеттік университетінің студенті
Мәлімет көзі: Аltaynews.kz
Айдар: Семей, Білім | Кілт сөдер: қазақ тілі

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар