Алтын құрсақты аналарға құрмет көрсетілді Өскеменде

(Дауыстар: 1)
Алтын құрсақты аналарға  құрмет көрсетілді Өскеменде

Кеше облыс әкімі Бердібек Сапарбаев Өскемендегі «Алтай» технопаркінде облысымыздың көпбалалы аналарымен кездесті. Кеште алтын құрсақты аналарға ерекше құрмет көрсетілді, деп хабарлайды Аltaynews.kz тілшісі.

Облыс басшысының кездесуіне өңіріміздің әр аумағында тұратын 35 көпбалалы ана мен бес жас отбасы шақырылған екен. Орайы келгенде айта кетейік, біздің облыста бүгінде «Алтын алқа», «Күміс алқа» иегері немесе «Батыр ана» атағын алған және І, ІІ дәрежелі «Ана даңқы» белгісімен марапатталған 16 мыңнан астам әйел тұрады. Тағы бір сүйінішті жағдай, қазір облыста бала туу деңгейі айтарлықтай өсіп келеді. Мысалы, өткен жылы 22 мың 900 сәби дүние есігін ашқан екен. Бұл оның алдындағы он жылмен салыстырғанда 15 пайыз көп екенін көрсетеді.

Алтын құрсақты аналарға  құрмет көрсетілді Өскеменде

– Әр адамның өмірінде ананың алатын орны ерекше. Сондықтан да бар игіні Жер-Ана, Отан-Ана деп,
сол аналармен қатар атайтынымыз шындық. Мемлекеттің дамуы мен болашағы да тек мына отырған сіздерге байланысты. Өйткені, қашанда қалт айтпайтын халықтың өзі: «Отан отбасынан басталады» деген ғой. Елбасымыз жыл сайынғы Жолдауында жергілікті жердегі билік басшыларына сіздерге жағдай жасау жөнінде нақты тапсырма беріп отырады. Кейінгі кезде экономикамыздың дамуына, тұрмыс-тіршілігіміздің жақсаруына байланысты бала туу саны өсіп келеді. Жалпы, әрбір ананың денсаулығын жылына бір рет тексеріп тұру керек. Біздің мақсатымыз – аналар өлімін азайту. Жыл сайын 8 наурыз – халықаралық әйелдер күніне орай аналарға жергілікті бюджеттен бір мезгілдік он мың теңге көлемінде материалдық көмек жасалып келеді. Алайда, біз аналарға құрмет көрсетуді тек мерекелерде ғана емес, барлық кезде жасау керектігін жақсы түсінеміз. Биылдан бастап, төрт бала туған аналарға 50 мың теңге төленетін болады. Жалпы, өңір экономикасының өсуіне байланысты бұл сома да көбейетін болады деп ойлаймыз. Біздің аймақ ел бойынша бірінші болып осындай бастама көтеріп отыр. Біздің бұл бастамамызды ірі кәсіпорындар мен бизнесмендер де қолдайды деген сенімдеміз. Бұл тұрғыда көпбалалы жас отбасылар да көбейеді деген үміт бар, – деді Бердібек Сапарбаев мерекелік кеште.

Кездесуде бірінші болып сөз алған «Алтын алқа» иегері, бауырынан өрбіген сегіз баласынан 24 немере, алты шөбере сүйіп отырған 82 жастағы Бибәтіш Рахымжанова енесімен 35 жыл бірге тұрып, екі көзі зағип болып қалған оны жетелеп жүріп, мәпелегенін сөз етіп, сол қарияға көрсеткен құрметін бүгінде келіндері мен ұрпағынан көріп отырғанын әңгімеледі. Осындай қиындықтарды бастан өткергенін қазір мемлекет те ұмыттырып отырғанын айта кетті.



Одан соң алғыс айту тізгінін алған 13 баланың анасы, тыл ардагері, 30 немере мен 17 шөберенің ақылшысы Сара Исмадилова, Ресейдің Алтай өлкесінде дүниеге келіп, Үржарда өсіп-өнген жеті балалы НадеждаСимахина, төрт-жеті баладан тәрбиелеп өсіріп отырған Марал Еркінқызы, Шынаргүл Алханова, Оразхан Манабаева, Меруерт Исаева және Айгүл Мамырбекова ұрпақта-рының сапалы білім алуына өздері қамқор болса, олардың ел игілігі үшін тер төгуіне мемлекет қамқор болып отырғанын жеткізіп, бар-лық жақсылықтары үшін Елбасыға, облыс әкіміне, жергілікті жердегі басшыларға ерекше алғыстарын айтты.

Бұл салтанаттағы құрметті қонақтар арасында белгілі хоккейші, Қысқы Азия ойындарының екі дүркін чемпионы, өткен жылы өмірге үшем әкелген бақытты ана Мария Федоренко да болды. Ол қазір отбасындағы бес адаммен ата-анасының екі бөлмелі үйінде тұрып жатқан көрінеді. Оның аузынан осындай мәселені естіп-білген облыс басшысы қала әкімдігіне оған төрт бөлмелі жайлы
пәтер беруді тапсырды.

Шара соңында облыс басшысымен кездескендеріне ерекше қуанышты екендіктерін риясыз жеткізген ардақты аналардың қайсыбіріне ел көлемінде орналасқан шипажайларға жолдамалар көрсетілген сертификаттар, екі анаға Астана күнін тойлау салтанатына қатысатын жолдама берілсе, барлық анаға кешенді түрде тегін қызмет көрсетілетіні баяндалған құжаттар, сонымен қатар, сыйлықтар мен әр мерекенің сәні – әсем гүл шоқтары табысталды.

Ғафура Сәрсенбайқызы
Суреттерді түсірген Есімхан Орынбаев
Мәлімет көзі: Аltaynews.kz

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар