Нұрлан Әбдіров сыбайлас жемқорлыққа қарсы бағдарламаның басты мақсатын атады

(Дауыстар: 1)
Нұрлан Әбдіров сыбайлас жемқорлыққа қарсы бағдарламаның басты мақсатын атады

Бүгін «Нұр Отан» партиясының 2015-2025 жылдарға арналған сыбайлас жемқорлыққа қарсы іс-қимыл бағдарламасының жобалық таныстырылымында жұмыс тобының жетекшісі, ҚР Парламенті Мәжілісіндегі партия Фракциясының мүшесі Нұрлан Әбдіров жемқорлықтың кез келген көрінісіне «нөлдік» төзімділік жағдайын қалыптастыру керектігін сөз етті.

Оның айтуынша, осы арқылы қоғамның барлық топтарын сыбайлас жемқорлыққа қарсы қозғалысқа тарту, сыбайлас жемқорлыққа қарсы мықты иммунитет пен мінез-құлық қалыптастыруға қол жеткізуге болады.

«Сыбайлас жемқорлыққа қарсы дүниетаным мен құқықтық сананы қалыптастыру, азаматтық бастамалардың дамуына, қоғамдық бірлестіктердің кең ауқымды сұхбаттасуына қажетті жағдай туғызу, қоғамдық бақылауды күшейту басты міндетіміз», - деп атап өтті ол. Яғни, бұл кеселге қарсы білім беру мен тәрбиенің кешенді жүйесін құру, адал еңбек ұғымын қалыптастыру, отбасы институтын белсенді түрде тарта отырып, қанағатшылдық бағытындағы дәстүрлі халықтық құндылықтарды нығайту көзделуде.

Бұл орайда, партия Төрағасының бірінші орынбасары Бауыржан Байбек осындай маңызды құжат бойынша ашық пікір алмасудың бастаманы нәтижелі етіп, елді бірлікке, ынтымаққа жетелейтінін айрықша атады.

«Алдымызда интернет желісінде жалғасын табатын талқылар, тәуелсіз сараптау, партия филиалдарының, бастауыш ұйымдардың отырыстары бар. Жоспар бойынша күзде құжаттың жетілдірілген мәтіні партияның саяси Кеңесінде қаралатын болады. Құжаттың мәтіні бүгіннен бастап партия сайтында жарияланып, ертең «Айқын» мен «Литер» газеттерінде басылатын болады. Пікір айтып, ұсыныс берем деушілер арнайы электрондық адрестерге хабарласа алады», - деп атап өтті саясаткер.

Мәлімет көзі: Аltaynews.kz

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар