Бес жаңа кәсіпорын Өскеменде пайда болады

(Дауыстар: 1)
Бес жаңа кәсіпорын Өскеменде пайда болады

Инвесторлар Шығыс Қазақстан облысы орталығында жүкті өздігінен түсіретін көліктер (самосвал) мен бұрғылау қондырғыларын, сондай-ақ, қағаз бұйымдары мен құрылыс материалдарын шығармаққа бел буып отыр, деп хабарлайды Аltaynews.kz тілшісі.

Жаңа кәсіпорындар Өскемен қаласының индустриялды аймағының бірі - Машина жасаушылар көшесінде орналасатын болады. Осындай ұзақ мерзімді жоспарлар жайында «Ертіс» әлеуметтік-кәсіпкерлік корпорациясы жергілікті филиалының мамандары мәлімдеді.

Жалпы, Өскеменде индустриялды жобаларды дамыту мақсатында 2007 жылы Ертістің оң және сол жағалауында екі индустриялды аймақ пайда болған-ды. Ол жерлерге қажетті коммуникациялар тартылып, көліктік жол түйіні салынған. Осындай игілікті істерді атқарып келе жатқан корпорация биыл әртүрлі бағыттағы бірнеше кәсіпорынмен келісімге отыруға қол жеткізді.

- 17 қыркүйекте чехиялық инвесторлармен өзара келісе отырып, базальттық жылытқыш шығаратын жаңа зауыттың іргетасы қаланды, - дейді корпорация өкілдері. - Жалпы құны 25 млн. АҚШ долларын құрайтын зауыт толықтай іске қосылғанда 200-ден астам жаңа жұмыс орны ашылатын болады.

Бұдан басқа, оның маңайында тау-кен машиналары мен жабдықтарын және ағаш брикеттер шығаратын зауыттар, тұрмыстық-шаруашылық және санитарлық-гигиеналық қажеттіліктерге арналған қағаз шығаратын фабрика, сондайақ, құрылыс материалдарын өндіретін кәсіпорын орын теппек. Бұл өндіріс орындары осы жылдың соңы мен келесі жылы іске қосылады деп күтілуде.

Нұржан Кенжеұлы
Мәлімет көзі: Аltaynews.kz
Айдар: Өскемен, Экономика | Кілт сөдер: кәсіпорын

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар