Арт-технология тәсілдері талқыланды

(Дауыстар: 1)
Арт-технология тәсілдері талқыланды

Өскемен қаласы ШҚ Өнер мұражайында «Мүмкіндігі шектеулі балаларды бейімдеуде арт-технология тәсілдерін пайдалану» тақырыбында облыстық ғылыми-тәжірибелік семинар болып өтті. Семинарды Алматы қаласындағы «Менің қуанышым» балаларды дамыту орталығының директоры, жоғары санатты психолог, дефектолог, сурдопедагог, музыкант, мүмкіндігі шектеулі балаларды ортаға бейімдеудегі арттерапияның ролі жөніндегі бағдарламаның авторы Закирьянова Наталья Евгеньевна әзірледі.

Теориялық және нақты тәжірибелік бөлімдерге құрылған бұл семинар жұмысына Өскемен, Зырян, Шемонаиха қалаларының, Ахмер, Опытное поле, Меновное кенттерінің 35 мекемесінен 114 адам қатысты. Олардың қатарында балабақша, мектептер, арнаулы мекемелер, дамыту орталықтары, балалар үйлері, жетім балаларға арналған мектеп-интернаттардың, балалар мен жасөспірімдер кітапханасының, зағиптар кітапханасының, бірқатар мұражайлардың қызметкерлері мен мамандары бар.

Семинарда Н.Е.Закирьянова тыңдармандарға жүйкесі мен ерік-жігері зақымданған, есту, көру қабілеттері бұзылған, тірек- қозғалыс мүшелерінен мүгедек балалармен қарым-қатынас жасаудың ерекшеліктері мен өзгешеліктері туралы кеңінен әңгімелеп, жиналғандардың көптеген сауалдарына жауап берді. Оның музыка және ертегі терапиясы авторлық бағдарламасына мамандар ерекше қызығушылық танытты.

Сондай-ақ, жиналған қауым ШҚ өнер мұражайының мұражай педагогикасы секторының маманы, психолог И.Н. Шальневаның баяндамасын да зер сала тыңдады. Ол тыңдармандар назарына Шығыс Қазақстан өнер мұражайында 2015 жылғы қыркүйектен бастап іске асырыла бастайтын мұражайлық арттерапиялық «Өнер - денсаулыққа апарар жол» атты бағдарламасының жобасын ұсынды. Аптасына бір рет сабақ өткізілетін, екі жылға есептелген бұл бағдарлама балаларды бейнелеу өнері мен шығармашылыққа тарта отырып, олардың бойында ортаға әлеуметтік бейімделуге, өз қабілетін ашуға, тұлға ретінде дамуға ықпал ететіндей жағымды жағдайлар туғызуды мақсат етеді.

Семинардың қорытындысында 2015 жылы Н.Е.Закирьянованың авторлық бағдарламасы және арнаулы мекемелер мен бейімдеу орталықтары мамандарын оқыту бойынша ғылыми-тәжірибелік семинар өткізу жөнінде шешім қабылданды. Семинарға қатысушылардың барлығына ерекше үлгідегі сертификаттар табыс етілді.

Мәлімет көзі: Аltaynews.kz

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Қаңтар 2017    »
ДүйСейСәрБейЖұмСенЖек
 1
2345678
9101112131415
16171819202122
23242526272829
3031 
Жаңалықтар