Шаңғышы Алексей Полторанин Әлем кубогының кезеңдерінде екі жүлдеге қол жеткізді

(Дауыстар: 1)
Шаңғышы Алексей Полторанин Әлем кубогының кезеңдерінде екі жүлдеге қол жеткізді

Апеннин түбегінде өтіп жатқан «Тур де Ски» аясындағы Әлем кубогының кезеңдерінде ел намысын қорғап жүрген жерлесіміз Алексей Полторанин екі бірдей жүлдеге қол жеткізді. Оның бірі - алтын, екіншісі - күміс.

Алдымен риддерлік шаңғышы Италияның Тоблах қаласында өткізілген бәсекеде топ жарды. Ол 10 шақырымдық қашықтықты классикалық стильде жүгіруден алдына жан салмады. Мәре сызығын бірінші кесіп өткен Алексей белгіленген жарыс жолын 22 минут 51,8 секундта бағындырды. Екінші орын отандасымыздан жарты секундқа қалып қойған ресейлік шаңғышы Евгений Беловқа бұйырды. Ал шаңғымен жүгіргенде «шашасына шаң жұқтырмайтын» Норвегия елінің жүйрігі Мартин Сундбю бар-жоғы үшінші орынды қанағат тұтты, ол отандасымыздан 4,2 секундқа кеш келді.

Күміс медальды Алексей Полторанин қаңтардың 10-ы күні Италияның тағы бір қаласы - Валь-ди-Фьеммеде иеленді. Арақашықтығы 15 шақырымды құраған классикалық стильдегі масс-старт жарысында отандасымыз мәреге екінші болып келді. Бұл сында ол неміс шаңғышысы Тим Чарнкеге есе жіберіп алды. Онда да жеңімпазды анықтау үшін төрешілер алқасына фотомәренің көмегіне жүгінуге тура келді. Ал осы жарыстың қола медалі швейцариялық әйгілі шаңғышы Дарио Колоньяның еншісіне жазылды.

Серік Әбілхан
Мәлімет көзі: Аltaynews.kz

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар