Жаңа көпір мен жолайрық Өскеменде салынады

(Дауыстар: 1)
Жаңа көпір мен жолайрық Өскеменде салынадыӨскемен қаласының Ертіс көпірі ауданында жолайрық пайда болады.

Ертіс өзені арқылы өтетін көпірдің алдында екі деңгейлі жолайрық салу жобасы дайындалу үстінде. Бұл көпірлік құрылыстардың арқасында қарбалас сәттердегі көлік кептелістерінің түйіні шешіледі деп күтілуде.

Ертіс көпірін қайта жарақтандыру, Өскемен және Семей қалаларын абаттандыру мәселесіне арналған кезекті жиында Шығыс Қазақстан облысы әкімі Даниал Ахметов жобалау жұмыстарын жылдамдатып, көпір аумағындағы жолайрық құрылысын биыл бастап кетуді тапсырды.

- Ең әуелі жолайрық құрылысын қолға алу керек болған. Көпірді содан кейін барып жарақтандыру қажет еді. Осыған дейін айтып жүргенімдей, жолайрық мәселесін шешіп алмасақ, көпірді үлкейткеннен пайда жоқ, - деді ШҚО әкімі.

Қажетті құжаттарды дайындауға нақты мерзімдер белгілеген Даниал Ахметов 15 мамырға дейін техникалықэкономикалық негіздеме дайын болу керектігін ескертті. Жобаны қаржыландыру мәселесін Ұлттық экономика министрлігі пысықтайтын болады.

Сондай-ақ, облыс әкімі облыс орталығын жарықтандыру және Семей қаласындағы субұрқақты абаттандыру бойынша тапсырмалар жүктеді.

- Қаланың орталығы жастарды өзіне тартып тұруы керек. Түстердің әркелкі болуына мән берілуі қажет. Адамдар Өскемендегі Республика алаңын көрген кезде оның қаланың орталығы екенін айтпай-ақ тани алғаны абзал, - деді аймақ басшысы.

Дәурен Аллабергенұлы
Мәлімет көзі: Аltaynews.kz

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар