Мен алғаш дауыс беремін - менің дауысым маңызды

(Дауыстар: 1)
Мен алғаш дауыс беремін - менің дауысым маңызды

Бүгін күн тәртібінде тұрған кезектен тыс Президенттік сайлау - ертең әрбір қазақстандықтың өмірінде тарихи сәт болып қалатыны сөзсіз. Сайлауға бір адамдай қатысуға барынша ат салысып жүрген студент жастар бұл күннің мән-маңызын түсініп те, сезініп те үлгерген. Нақтырақ айтсақ, Семей қаласының Шәкәрім атындағы мемлекеттік университетінің Студенттік Парламент ұйымы «Мен алғаш дауыс беремін - менің дауысым маңызды» ұранымен жас сайлаушылар форумын өткізді.

Туған елге деген сүйіспеншілікті насихаттау және жастардың сайлауға қатысудың маңыздылығын түсіндіруді көздеген іс-шарада Президенттік сайлауға алғаш рет қатысқалы тұрған студенттер белсенділік танытып, өз ойларымен бөлісті.

Мен алғаш дауыс беремін - менің дауысым маңызды

Форум барысында баяндама жасаған филология факультетінің 1-курс студенті Сымбат Сәрсембаева сайлауға қатысу - әрбір қазақстандықтың міндеті екенін тілге тиек етті. Ал, Студенттік Парламент спикері Төлеуханов Айдос жастарды толыққанды дауыс беруге шақырып, жас сайлаушыларға үндеу тастады: «Біз, Семей қаласының Шәкәрім атындағы мемлекеттік университетінің студенттері Президенттік сайлауды өткізу туралы бастаманы қолдаймыз. Кезектен тыс сайлау өткізу - қоғамда тұрақтылық пен бірлікті сақтауға жағдай жасайды. Бұл - алға қойған міндеттерді тиімді іске асыру, тұрғындардың әл-ауқатын арттыру үшін маңызды қадам деп ойлаймын. Сондықтан да бұл сайлауды студент жастар асыға күтуде».

Нұрсұлу Саветқызы
Мәлімет көзі: Аltaynews.kz
Айдар: Семей, Қоғам

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар