Ұлы Жеңіске арналған жылжымалы көрме балаларға ұсынылды

(Дауыстар: 1)
Ұлы Жеңіске арналған жылжымалы көрме балаларға ұсынылды

«Есімізде, мақтан етеміз!», «Ешкім де, ешнәрсе де ұмытылмайды!» деген тақырыптармен Шығыс Қазақстан өнер мұражайының мамандары облыс орталығының мектептерін аралап, жылжымалы көрмелер өткізіп, Жеңіс мерекесі қарсаңында оқушыларға соғыстың сұрапылы туралы, ондағы аға ұрпақ өкілдерінің, тыл еңбеккерлерінің ересен ерлігі жайында әңгімелеп, өскелең ұрпақты отансүйгіштікке, патриоттыққа тәрбиелеуге өздерінің елеулі үлестерін қосып келеді.

Ұлы Отан соғысын басынан өткерген ұрпақ - ерекше ұрпақ, жеңімпаздар ұрпағы, батырлар ұрпағы. Ересен құрбандыққа ұшырай отырып, олар Жеңіске жетті. Бүгінгі өркениет фащизмнен құтқарғаны үшін советтік азат етуші жауынгерлер алдында қарыздар. Ұлы Отан соғысына қатысқандар шегі жоқ қасіретті әсерлерін ешқашан ұмыта алмайды.

Соғыс - жеке адамның өмірі үшін де, бүкіл ел үшін де өлшеусіз қасірет. Мұны жас ұрпақ та жадынан шығармаулары тиіс. Отан үшін өмірлерін қиған миллиондаған жауынгерлер, жарымжан тағдырлар, аса ауыр әлеуметтік зардаптар - сонау сұрапыл жылдардың күні бүгінге дейін төбе құйқаңды шымырлатар «мұрасы». Міне, осындай «мұраларды» - өткен соғыстың қасіретін жерлес суретші - майдангерлер Н.П.Долбилкин, А.Н. Лаврушин, Б.И. Французов қылқаламдары арқылы шеберлікпен бейнелеген еді. Олар соғысты өз көздерімен көрді және өз әсерлерін кескіндемелік шығармаларында шынайылықпен көрсете білді. Жылжымалы көрмедегі ол еңбектермен танысу оқушыларға соғысты «ішкі жағынан», адами драмаларды ашу арқылы көруге мүмкіндік бергендей әсер етті. Оқушылар, сондай-ақ Мәншүк Мәметова, Төлеген Тоқтаров, Қасым Қайсенов сынды батырлар туралы да көптеген тың деректерге қанық болды.

Өнер мұражайының экспозициялық-көрме бөлімінің меңгерушісі Гүлнар Капсанова мен осы бөлімнің маманы Маржан Бахтиярова осы жылжымалы көрмелерімен Өскемен қаласындағы № 23, 15, 19, 4, 17, 10, 39, 28 орта мектептерін аралап, оқушыларға осы тақырыптағы әр суреттің тарихы мен мәнін аша отырып, авторлары жайында қызғылықты деректер келтіріп, Жеңіс мерекесінің мағынасы туралы әңгімеледі. Мұражайдың жылжымалы көрмесі әлі де өзінің сапарын жалғастыра бермек.

Айтмұхамбет Қасымов
журналист, ШҚ өнер мұражайының қызметкері
Мәлімет көзі: Аltaynews.kz

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар