Алты елдің жауынгерлері бірлесе жаттығып, тәжірибе алмасты

(Дауыстар: 1)
Алты елдің жауынгерлері бірлесе жаттығып, тәжірибе алмасты

Өскеменде Ұжымдық қауіпсіздік шарт ұйымына мүше мемлекеттердің ішкі істер министрлігі бөлімшелері басшыларының жедел жиыны өтті.

Басқосу шарт ұйымында арнайы күштердің дайындығын шыңдау, жаңа әдістер мен формаларды меңгеру және қалыптастыру, ішкі істер министрлігінің бөлімшелері арасындағы мәселелерді бірігіп шешу мақсатында ұйымдастырылды.

Аталмыш шара жедел жиынға қатысушылардың Даңқ мемориалына гүл шоқтарын қоюдан басталды. Рәсімге Ресей, Армения, Белоруссия, Қырғызстан, Тәжікстан өкілдері қатысып, алты елдің Әнұраны шырқалды. Артынша «Шығыс» өңірлік қолбасшылығының базасында «Ұжымдық қауіпсіздік шарт ұйымының құрамына кіретін жедел әрекет ететін ұжымдық күш, олардың құрамы мен тапсырмалары. Арнайы тапсырмаларды орындау үшін Ұжымдық қауіпсіздік шарт ұйымы мүшелерінің дайындықтарын одан әрі шыңдау» атты баспасөз мәслихаты өтті. Жан-жақтан жиналған журналистер қауымының сұрақтарына Ұжымдық қауіпсіздік шарт ұйымы бас хатшысының орынбасары Валерий Семериков, Ұлттық ұланның бас қолбасшысы, генерал-лейтенант Руслан Жақсылықов және полковник Мұхаметқали Сатов жауап берді.

Валерий Семериков: «Жиналуымыздың бірден-бір себебі ұйым әскерінің дайындығын тексеру болатын. Нәтижесінде әскеріміздің алға қойылған жаттығулар кешенін толық меңгергенін байқадық», - деді. Мұхаметқали Сатов: «Ұйымның басты міндеті - ұйымға мүше елдердің территориясындағы экстремизм мен терроризм әрекеттерінің алдын алу», - дейді.

Сондай-ақ «Шығыс» өңірлік қолбасшылығы 5518 әскери бөлімінің оқу орталығында жедел әрекет ететін ұжымдық күш басшылық құрамымен арнайы-тактикалық және денешынықтыру дайындығы, жауынгерлік жаттығуларға байланысты кешенді тапсырмаларды атқару, тәжірибелік сабақтар өткізу ұйымдастырылды.

Жансая Қамбарова
Мәлімет көзі: Аltaynews.kz

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар