«Торпедо» сырт айдында «Дизельді» ұтты

(Дауыстар: 1)
«Торпедо» сырт айдында «Дизельді» ұтты

Жоғары хоккей лигасындағы кезекті кездесуін сырт айдында өткізген «Торпедо» командасы 1:2 есебімен жеңіске жетті. Бұл жолы өскемендік жігіттердің қарсыласы Пензаның «Дизель» ұжымы болды, деп хабарлайды Аltaynews.kz тілшісі.

Жерлестеріміз ойынның алғашқы кезеңінде-ақ есеп ашып, кімнің кім екенін бірден аңғартты. Алдымен командаластары А.Шин мен Д.Есіркеновтің пастарын ұтымды пайдаланған Е.Белухин қарсыластар қақпасынан саңылау тапты. Артынша кездесудің 12-ші минутында П.Канарский мен Е.Гасников бір-бірімен тамаша пас алмасу арқылы В.Жильяковқа соққы жасауға аса оңтайлы сәт туғызып берді. «Торпедо» шабуылшысы мүлт кеткен жоқ. Таблодағы есеп - 0:2. Қонақтардың пайдасына!

Соғылған екі бірдей шайбадан есеңгіреп қалған айдын иелері естерін үшінші кезеңде бірақ жинады. Жергілікті жанкүйерлер алдында жерге қарап қалмауды ойлаған «Дизель» хоккейшілері бар шеберліктерін салды. Нәтижесінде матчтың 59-шы минуты аяқталар сәтте қонақтар сапынан Чистяков есеп айырмасын бір шайбаға қысқарта алды. Бірақ таразы басын теңестіруге олардың уақыттары да, күш-қайраттары да жетпеді. Өйткені матч бойы жанталаса шабуылдаған «Дизель» командасының жігіттері тым шаршап қалған еді.

- Бүгін біз сапалы ойын өткіздік. Алайда біздің жігіттердің бұл кездесуде бар-жоғы екі шайба соғуы көңілге қонбады. Өйткені айдын иелері есеп айырмасын қысқартып қана қоймай, матч соңына қарай теңестіруге тырысты. Әйтсе де, шәкірттерім жақсы ойын өрнегін көрсетті, бірнеше қауіпті сәттер туғызды, - дейді «Торпедо» командасының бас бапкері Алексей Фетисов.


Серік Әбілхан
Мәлімет көзі: Аltaynews.kz

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Желтоқсан 2016    »
ДүйСейСәрБейЖұмСенЖек
 1234
567891011
12131415161718
19202122232425
262728293031 
Жаңалықтар