Өскемен волейбол мектебінің өкілдері Әлемдік Гран-придің жүлдесін жеңіп алды

(Дауыстар: 1)
Өскемен волейбол мектебінің өкілдері Әлемдік Гран-придің жүлдесін жеңіп алды

Өскемен волейбол мектебінің өкілдері еліміздің құрама командасы сапында тұңғыш рет Әлемдік Гран-придің жүлдесін жеңіп алды.

Байрақты бәсекенің III тобындағы финал Алматы қаласында өтті. Аталған топта Хорватия, Колумбия, Перу және Қазақстан құрамалары өзара мықтыны анықтады. Бірден айта кетейік, әуел баста осы төрттіктің ішінде біздің қыздар аутсайдер саналған-ды. Өйткені жерлестеріміз мұның алдында өткен сайыстарда Перу мен Колумбия құрамаларынан жеңіліс тапқан. Ал Еуропадан келген хорватиялық арулардың шеберлігі туралы айтпасақ та түсінікті. Сондықтан бұл квартетте қазақ волейболшылары жүлдеге таласады дегенге ешкім сене қоймады.

Алайда өз жерінде жеңілуді намыс көрген бұрымдыларымыз жартылай финалда колумбиялықтарды 3:2 есебімен ұтып, сенсация жасады. Қарсыласын менсінбей, өздеріне аса сенімді болған оңтүстікамерикалық команда ақтық сынның босағасынан ене алмай кері қайтты. Осы ойында өскемендік волейбол мектебінің түлегі Кристина Аниконова нәтижелі тоғыз ұпайды еншілесе, тағы бір жерлесіміз «Алтай» командасының байланыстырушысы және артқы шабуылдаушы Ирина Лукомская мен Евгения Ильина төрт ұпайдан қанжығаларына байлады.

Сонымен үшінші топтағы басты фавориттің бірін жарыс жолынан тайдырған біздің құрама финалда Хорватиямен кездесті. Қайткенмен де европалық ұжымның аты еуропалық ғой, деңгейі жоғары екені көрініп-ақ тұрды. Бұл жолы Қазақстан құрамасына тағы бір сенсация жасап, басты жүлдені иелену бақыты бұйырмады. Шешуші сайысқа сақадай-сай сайланып келген хорваттарға қыздарымыз 0:3 есебімен жеңіліп, күміс медальді қанағат тұтты. Финалда Ирина Лукомская мен Евгения Ильина өз командасына екі ұпайдан әкелсе, Кристина Аниконова нәтижелі ойыны үшін 10 ұпайды иеленді. Сөйтіп, ұлттық құрама сапында өнер көрсеткен өскемендік арулар Әлемдік Гран-придің күміс жүлдегерлері атанды.

Шығыс ақпарат

Пікірлер:

Сіздің пікіріңіз
Ең танымал
Twitter Facebook Vkontakte
Пікірлер
Сауалнама
Өлім жазасы - керек пе?
Мақұлдаймын, ауыр қылмысты жазалау керек.
Заңды жаңарту керек, кінәсіздерді жазаламау үшін.
Қарсымын, басқа жаза түрі болу керек.
Қарсымын, бұл адамгершіліксіз.
Маған бәрібір.


Барлық сауалнамалар
Қазақстан Өскемен


Күнтізбе
«    Ақпан 2017    »
ДүйСейСәрБейЖұмСенЖек
 12345
6789101112
13141516171819
20212223242526
2728 
Жаңалықтар