Алматыда жоғалып кеткен өскемендік жігіттің денесі табылды, деп хабарлайды Алтайньюс тілшісі Тенгриньюс сайтына сілтеме беріп.

24 жастағы Әлихан Қапанов 6 ақпан күні із-түссіз кеткен болатын. Оның денесі табылғандығын Алматы қалалық полиция департаменті растады. Алдын ала мәлім болған ақпаратқа сенсек, жас жігіт үсіп қалған.

– Денеден кісі қолынан қаза таппағанын байқауға болады. Бірақ нақты себепті медициналық сараптама қортындысына қарап айта аламыз, – деді департаменттің баспасөз хатшысы.

Естеріңізде болса, әлеуметтік желіде қаза болған жігіттің 6 ақпан күні сағат 16:30-дар шамасында үйден шығып кеткендігі туралы туыстары мен достары айтып, іздеу жариялаған болатын.