Кеше жабылған автомобиль жолдары бүгін ашылды, деп хабарлайды Алтайньюс тілшісі.

Бұл туралы ШҚО ТЖД ресми сайтында жарияланып отыр.

«ОблШығысЖол» КМК  және «Қазақавтожол» ЖШС ШҚОФ ақпараттары бойынша,  облыстық және республикалық маңызы бар "Мақаншы-Жалаңашкөл" (0-133 ш), "Мақаншы-Үшарал" (0-48 ш), «Таскескен - Бақты (0-187 ш) және «Алматы - Өскемен» (768-615 ш)  тас жолдарында көліктің барлық түрлері үшін қозғалыс ашылды.

Сондай-ақ, боран салдарынан  «ОблШығысЖол» КМК ақпаратына сәйкес, сағат 08.30-дан бастап  «Воскресеновка – Петропавловка – Шелехово – Белағаш – Дмитриевка» автожолының 24-47 шақырымындағы учаскесінде көліктің барлық түрлері үшін қозғалыс жабық.