Өскемен-Алматы тасжолында қар құрсауында қалған 10 шақты жүк көлігі мен 14 жеңіл автомобиль эвакуцияланды, деп хабарлайды Алтайньюс тілшісі.

– 30 қаңтарда Өскемен-Алматы автожолында шамамен 9 жүк көлігі қар құрсауында қалған. Сонымен қатар жақын маңдағы дәмханада 20-дан астам адам болған, олар 14 жеңіл автокөлікпен жүрген. Оқиға орнына жедел құтқарушылар тобы жіберілді. Трасса  екі жағынан қатар тазаланды, – деп мәлімдеді ШҚО ТЖД.

Айта кетейік, 30 қаңтар сағат 13.20-дан бастап Өскемен-Алматы автожолында көліктің барлық түрі үшін қозғалыс тоқтатылған болатын.