ШҚО-да 1000 тонна қант қоры бар - ҚР Ауыл шаруашылығы вице-министрі
Сауда желілеріндегі, өңдеуші кәсіпорындардағы, қоймалардағы және тұрақтандыру қорларындағы, сонымен қатар, өңірлермен форвардтық келісімшарттар бойынша жасалған қант қоры 26,9 мың тоннаны құрайды, деп хабарлады Zakon.kz.
Ауыл шаруашылығы министрлігінің мәліметі бойынша, республиканың қантқа деген жылдық қажеттілігі орташа есеппен – 550 мың тонна. Отандық шикізатты өңдеу және құрақ қанты шикізатын өңдеу арқылы ішкі нарықты қамтамасыз ету 43% болса, оның ішінде қызылша қанты - 7%, құрақ қант шикізаты 36% болып отыр.
Ауыл шаруашылығы министрлігінің мәліметі бойынша, республиканың қантқа деген жылдық қажеттілігі орташа есеппен – 550 мың тонна. Отандық шикізатты өңдеу және құрақ қанты шикізатын өңдеу арқылы ішкі нарықты қамтамасыз ету 43% болса, оның ішінде қызылша қанты - 7%, құрақ қант шикізаты 36% болып отыр.
- 2021 жылы республикада ішкі қантты тұтыну көлемі 532,5 мың тонна қант болды. Мысалы, қант зауыттары 226,7 мың тонна қант, оның ішінде 35,7 мың тонна қант қызылшасын және 191 мың тонна құрақ қант өндірді. Тұтынудың жалпы көлеміндегі қант импорты 308,5 мың тоннаны немесе 57%-ды құрайды. Ресей Федерациясынан импорттың жалпы импорттағы үлесі - 88,3%, Беларусь - 11,5%, басқа елдерден - 0,15%, - дейді ҚР Ауыл шаруашылығы вице-министрі Жеңіс Өсербай.
Бұл ретте облыс әкімдіктері 2022 жылғы 16 шілдедегі жағдай бойынша бөлшек сауда желілеріндегі, өңдеуші кәсіпорындардағы, қоймалардағы, тұрақтандыру қорларындағы, сондай-ақ өңірлермен форвардтық келісімшарттар бойынша жасалған қант қоры 26,9 мың тонна болатынын хабарлады. Оның ішінде:
Ақмола облысында – 514,4 тонна,
Алматы облысында – 2093,7 тонна,
Атырау облысында – 411 тонна,
Абай облысында – 346 тонна,
Шығыс Қазақстан облысында – 1001,5 тонна,
Жамбыл облысында – 390,5 тонна,
Жетісу облысында – 2351 тонна.
Батыс Қазақстан облысы – 402 тонна,
Қарағанды облысы – 900,6 тонна,
Қызылорда облысы – 528,7 тонна,
Қостанай облысы – 1167,7 тонна,
Маңғыстау облысы – 365,7 тонна,
Павлодар облысы – 1537,7 тонна,
Солтүстік Қазақстан облысы – 912,3 тонна,
Түркістан облысы – 912,3 тонна.
Ұлытау облысы – 150 тонна,
Алматы – 8869 тонна,
Нұр-Сұлтан – 2695 тонна,
Шымкент – 1310 тонна.
Бұл - күн сайын сатылатын және толықтырылатын белгілі бір уақыттағы қант қоры. Сонымен қатар, отандық зауыттардың қант өндірісі тоқтамай, қорлар үнемі толықтырылып отырады.
Бұл ретте вице-министр қант тапшылығын шешу үшін Ауыл шаруашылығы министрлігі қабылдаған шаралар туралы хабардар етті.
- Ішкі нарықтың қантқа деген сұранысын тұрақты қамтамасыз ету үшін министрлік үшінші елдерден 350 мың тонна көлемінде қант пен өңдеуге арналған шикізатты бажсыз әкелу шарасын қабылдап жатыр. Оның 250 мың тоннасы қазір шетелдік сауда қатысушылары арасында таратылуда. Қазір 100 000 тонна көлемдегі қалған квотаны бөлу жұмысы жүріп жатыр, - деп хабарлайды Жеңіс Өсербай.
Оқи отырыңыз
