KZ
Өскемен
+10°
облачно с прояснениями жел 2 м/с, С
449.58 486.94 4.86

Зайсандғы газды Қытайға жіберу тоқтатылды

29.12.2021, 11:23 140

Бұдан былай Зайсаннан шығатын көгілдір отын аспан асты еліне жіберілмейтін болды. Бұл туралы Зайсан ауданы әкімдігі мәлімдеді.

- Қытай Халық республикасына газ экспорты тоқтатылды. Қалған газ қоры ауданның ішкі нарығына ғана жұмсалатын болады, - делінген ресми мәлімдемеде.

"Қалған газдың" қанша екенін білгіміз келіп аудан әкімінің орынбасарына қоңырау шалдық.

- Бұл жаңалыққа өзіміз де қатты қуанып жатырмыз. Енді көгілдір отынмен ауданды толық қамтамасыз етуге күш жұмсайтын боламыз. Көктемнен бастап 8 ауылды және Зайсан қаласындағы жаңадан бой көтерген, газ тартылмаған шағын аудандарды газбен жылытуды көздеп отырмыз. Кәсіби мамандардың айтуынша, Зайсанның кен орнында әлі 25 жылға жетерлік газ қоры бар, - деді аудан әкімінің орынбасары Ринат Әденбекұлы.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив