Көкпекті ауданының полиция қызметкерлері желтоқсан айының басында «Құқықтық тәртіп» жедел-профилактикалық іс-шарасын өткізу кезінде 46 жастағы ауыл тұрғыны өз үйінде заңсыз есірткі заттарын сақтайтынын анықтады.

Тінті барысында аталмыш тұрғынның үйінен ерекше иісі бар өсімдік тектес 6 зат салынған қағаз түйіншек табылды. Сондай-ақ гараждан дәл осындай заты бар шыны банка мен полиэтилен пакет шықты.

-        Сараптама қорытындысына сәйкес, жалпы салмағы 195,46 грамм, марихуана, 4,44 грамм өсімдік тектес «кептірілген марихуана» екені анықталды, - дейді ШҚО ПД баспасөз қызметі.

Аталған факті бойынша ҚР ҚК - нің 296-бабының 2-бөлігі- «Есірткі құралдарын, психотроптық заттарды, сол тектестерді өткізу мақсатынсыз заңсыз дайындау, қайта өңдеу, сатып алу, сақтау, тасымалдау» бойынша сотқа дейінгі тергеу басталды, оның санкциясы 40 тәулікке дейін қамауға алуды көздейді.