Өскемен
-19°
туман ветер 2 м/с, СЗ
459.92 501.31 6.62

Бір табын жоғалған жылқы табылды - Ұлан

19.11.2021, 14:26 18 0

Ағымдағы жылдың 31 қазанында Бозанбай ауылының 33 жастағы тұрғыны жайылымнан 18 бас жылқы ұрлау фактісі бойынша Ұлан ауданының полиция бөліміне жүгінген. Иесінің айтуынша, мал 24-і күні еркін жайылымнан жоғалып кеткен, бір апта ішінде ер адам малды өз бетінше іздеген. Бірнеше күн сәтсіз іздеуден кейін ауыл тұрғыны полицияға жүгінген.

Аталған факті бойынша ҚР ҚК 188-бабының4-бөлігі (мал ұрлығы)бойынша сотқа дейінгі тергеу басталды, оның шеңберінде криминалдық полиция қызметкерлері жәбірленушілермен бірлесіп іздестіру іс-шараларына кіріскен. Іздеу шамамен 10 күнге созылды, автожолдар мен ет өнімдерін өткізу орындары жедел жабылып, көліктер тексерілді.

Іздеу нәтижесінде полицейлер Жанұзақ ауылы маңында жылқыларды тауып, заңды иесіне қайтарып берді.

- Мал ұрлығының немесе жоғалудың алдын алу үшін Полиция департаменті мал иелерін қора-қопсыларын нығайтып, малды қараусыз қалдырмауға шақырады. Қораны сенімді қоршаумен нығайтып, онда жарық орнатуға кеңес беберді. Сондай-ақ, малды таңбалап биркалауды ұмытпаңыз. Егер Сіздің малыңыз жоғалып немесе ұрланған болса, дереу полицияға «102» нөміріне хабарласыңыз, - деп хабарлайды ШҚО ПД баспасөз қызметі.

Айта кету керек, 15-24 қараша аралығында ШҚО аумағында «Мал ұрлығы» жедел алдын алу шарасы өткізілуде. 3 күнде 17 қылмыс ашылды. 66 бас мал табылып, иелеріне қайтарылды, оның ішінде– 40жылқы, 26–ІҚМ.

Айыппұл тұрағына 723 қараусыз жайылып жүрген мал қамалды.

Біздің Instagram-ға жазылыңыз

Жаңалықтарды жылдамырақ көріңіз

Жазылу

Пікірлер (0)

Кликните на изображение чтобы обновить код, если он неразборчив