Аягөз қаласының Тоқсанғазин көшесінің тұрғындары әлеуметтік желі арқылы ауыз су құбырын тарту, жол жөндеу, жарықтандыру мәселелерін көтерген болатын. 
Аудан әкімінің айтуынша, алдағы уақытта аталған көшеге жарықтандыру жұмыстары жүргізілетін болады. Жол жөндеу, ауыз су құбырын тарту жұмыстары кезең-кезеңмен жоспарға сәйкес жүзеге асырылмақ. 

Сонымен қатар, аудан әкімі кіші Аягөз өзенінің бүгінгі халін де көпшілікке айтты. Сондай-ақ, тұрғындарға тазалық талаптарын барынша сақтауды сұрайды. 

-  2018 жылы кіші Аягөз өзені арнасынан асып, апатты жағдай орын алды. Әкімдік тарапынан арнаны тазарту, кеңейту жұмыстары жүргізілген. Алайда өзеннің бүгінгі жайы өте нашар, тұрғындар күл-қоқыс тастауды доғармаған. Кіші Аягөз өзенінің жағасында тұратын азаматтарға бұл жайға немқұрайлы қарамай, тазалықты сақтауға шақырамын, - дейді Аягөз ауданының әкімі Сеилбек Ысқақов.