KZ
Өскемен
+10°
облачно с прояснениями жел 7 м/с, ОБ
448.15 483.46 4.86

Ертең елімізде Көрісу күні атап өтіледі

13.03.2023, 16:20 263 Ләззат Қанатқызы

Елімізде Наурыз мерекесі 14-22 наурыз аралығында, яғни 9 күн қатарынан тойланады. Әр күннің өзіндік мән-мағынасы, атауы бар, деп хабарлайды Altaynews тілшісі.

Әр күнге жеке тоқталып өтсек:

14 наурыз - Көрісу күні. Бұл күнді Амал мерекесі деп те айтады. Халық қыстан аман-есен шыққанына қуанып, бір-бірімен қол алысып, төс қағысады.

15 наурыз – Шежіре күні. Бұл күні отбасының, ел-жұрттың, жеті атаның тарихы айтылып, шежіресі таратылады. Сонымен қатар, жұртшылық мал сойып, өткен-кеткен ата-бабаларына құран бағыштайды. 

16 наурыз – Жайлау күні. Бұл күні табиғат аясында серуендеуге жағдай жасалып, көшет егу, қоқыс тазарту шаралары ұйымдастырылады.

17 наурыз – Игі істер күні. Бұл күні түрлі қайырымдылық шаралары ұйымдастырылып, еріктілер мұқтаж жандарға көмектеседі.

18 наурыз – Шымырлық пен шеберлік күні. Бұл спорт және қолөнер күні, яғни ұлттық ойындар ойнатылып, жәрмеңкелер ұйымдастырылады.

19 наурыз – Зияткерлік күні. Бұл күні даналық пен білімге көңіл бөлінеді. Мақал-мәтел, жыр жаттау сайыстары өтіп, ақын-жазушылардың шығармалары оқылады.

20 наурыз – Жоралғы күні. Бұл күні әр шаңырақта отбасылық дәстүр мен құндылықтар дәріптеліп, салт-дәстүрлерді жандандыру шаралары ұйымдастырылады.

21 наурыз – Ұлттық тағамдар күні. Ұлттық тағамдар, яғни бешбармақ, шелпек-бауырсақ және мерекедегі ең басты тағам – Наурыз көже дайындалады.

22 наурыз – Бұқара күні. Күн мен түн теңеледі. Бұл күні еліміздің әр түкпірінде түрлі мерекелік концерттер мен шаралар ұйымдастырылады.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив