KZ
Өскемен
+9°
облачно с прояснениями жел 4 м/с, ОШ
448.15 483.46 4.86

Риддерде Төтенше жағдай режимі жарияланды

24.03.2023, 14:11 315 Ләззат Қанатқызы

Бүгін Риддерде өңірлік ауқымдағы Төтенше жағдай режимі жарияланды.

Бұл туралы ШҚО әкімі Даниал Ахметов мәлімдеді, деп хабарлайды Altaynews тілшісі.

Аймақ басшысының айтуынша, қаланың жылу электр орталығының жұмысында үлкен кемшіліктер бар, ал жаңа  RNGK компаниясының иесі қаңтардан бастап ешқандай жұмыс жүргізбеген. Өткен кезеңде үш миллиард теңгеден астам берешек қалыптасып, мазут, көмір, электр энергиясын жеткізуде олқылықтар болған көрінеді.

- Қараша айынан бастап шұғыл жөндеу және қалпына келтіру жұмыстарын жүргізген компанияларға еңбекақы төлеуде әлі кешіктірулер бар. Барлығы жұмыс процесінде 67 сыну тіркелді. Бірнеше күн бұрын 4 және 5 жоғары қысымды қазандықтарда өрт болды, Кабельдік-өткізгіш өнімдер өртенді, көмір беру жолында ұсақ дисперсті шаңның жарылуы болды. Қазір біз жылыту маусымын аяқтауға мүмкіндік беретін режимде тиімді жұмыс істеуді қамтамасыз ету үшін станцияның барлық басқаруын өзімізге алуға мәжбүрміз, - дейді облыс әкімі.

Сондай-ақ аймақ басшысы мәселеден шығудың жалғыз жолы Риддер ЖЭО-ны коммуналдық меншікке сатып алу екенін атап өтті.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив