«Бұқтырма су қоймасы» арқылы салынатын көпір құрылысы бойынша жұмыстар жалғасуда, деп хабарлайды Күршім ауданының әкімдігі.
Техникаға арналған техникалық жол төселген. Үздіксіз дәнекерлеу және басқа да жұмыстарды атқару үшін бағандар орнатылып, электр желісі тартылған. Ауыр жүк техникаларымен (КАМАЗ) жағалаудағы аралға топырақ тасу жұмыстары жүргізіліп жатыр. Суға арналған скважиналар бұрғыланып, ауыз сумен қамтылған.
Әкімдіктің мәліметінше, көпір құрылысын жүргізетін жұмысшылар үшін 250 орындық жатақхана қалашығының құрылысы басталып, негізгі каркасы қаланды.

- Көпір салу бойынша жұмыстар бекітілген жоспарға сәйкес атқарылатын болады, - дейді әкімдік.