Өрт қауіпсіздігін сақтағанда неге мән берген жөн?
26.04.2022 | 12.38
0
82
– Қазір көктем уағы, дала өрті көбейген шақ. Оның үстіне көшесін, ауласын, қала сыртындағы саяжайын қоқыстан тазалағандар, шабындық жаңарып тазалансын дейтіндер әдейі от қоятыны тағы бар. Сұрағым келгені, өрт қауіпсіздігі ережелерін осылай өрескел бұзғандар жауапкершілікке тартыла ма? Естуімше, биыл айыппұл көлемі артқаны рас па?
Раджан Бекболатов,
Ұлан ауданы
Сауалға облыстық Төтенше жағдайлар департаментінің мемлекеттік өрт бақылау басқармасы бастығының орынбасары, азаматтық қорғау подполковнигі Нұржан Өміржанов жауап береді:
Раджан Бекболатов,
Ұлан ауданы
Сауалға облыстық Төтенше жағдайлар департаментінің мемлекеттік өрт бақылау басқармасы бастығының орынбасары, азаматтық қорғау подполковнигі Нұржан Өміржанов жауап береді:
– Өрт қауіпсіздігі ережелерін бұзғаны үшін ҚР "Әкімшілік құқық бұзушылық туралы" кодексінің 336-бабына сәйкес әкімшілік жауапкершілік қарастырылған. Атап айтқанда, 20 АЕК мөлшерінде айыппұл салынады. Айта кетейік, енді талаптар күшейтілді. Егер бұрын қоқысты өртеу және өрт қауіпсіздігі ережелерін бұза отырып от жағу фактісі анықталса, заңнамаға сәйкес ескерту жасалатын. Қазір айтарлықтай үлкен сомаға айыппұл қарастырылған және бірден салынады. Сондай-ақ, ҚР "Әкімшілік құқық бұзушылық туралы" кодексінің 410-бабына сәйкес әкімшілік жауапкершілік көзделген.Бұдан бөлек, Қылмыстық кодексінің 204-бабы бойынша отпен немесе өзге де аса қауіпті көздермен абайсызда жұмыс істеу жолымен жасалған не ауыр зардаптарға әкеп соққан жағдай немесе аса ірі залал келтірілген бөтен мүлікті абайсызда жою немесе бүлдіру үшін – екі мың АЕК-ке дейінгі мөлшерде айыппұл салу не түзеу жұмыстарына жазалану қарастырылған.
Комментарии (0)