Өскеменде «Nauryz Жастар FEST» жастар фестивалі өтті
Бүгін Өскемен қаласында алғаш рет «Nauryz Жастар FEST» жастар фестивалі өтті.
Комендантка өзенінің жағалауында өткен шараға 1000-ға жуық тұрғын жиналған, деп хабарлайды Altaynews тілшісі.
- Бұл жерде жастардың қатысуымен әр түрлі ұлттық сайыстар, ән айту, би билеу, сонымен қатар арқан тартыс, асық ату сияқты ұлттық спорттық сайыстар мен қыздар арасында «Бауырсақ party» байқауы және айтыс өтеді. Жеңімпаздардың барлығы демеушілеріміз ұсынған бағалы сыйлықтармен марапатталатын болады, - деді Өскемен қаласының "Жастар ресурстық орталығының" директоры Айдос Әділбекұлы.
Сондай-ақ бүгінгі шараға ең әдемі ұлттық киімде келген тұрғын да марапатталып, арнайы сыйлыққа ие болды. Алаңда құрылған киіз үйде дастархан жасалып, шара соңында жиналғандарға палау, наурыз көже мен ыстық шай таратылды.
Оқи отырыңыз
