KZ
Өскемен
+11°
пасмурно жел 6 м/с, ОБ
448.15 483.46 4.86

Автожолдағы қауіпсіздік: «Sapar» мобильді қосымшасы әзірленді

26.03.2023, 10:44 219 Мадина Амангелдіқызы

Қазақстанда «Sapar» мобильді қосымшасы PlayMarket және AppStore-да жүктеуге қол жетімді.

 ҚР Индустрия және инфрақұрылымдық даму министрлігі «ҚазАвтоЖол» ҰК» АҚ-мен бірлесіп республикалық маңызы бар автожолдардағы қауіпсіздікті арттыру және кері байланысты жақсарту мақсатында «Sapar» мобильді қосымшасын әзірледі, деп хабарлайды Altaynews тілшісі.

Қазіргі уақытта қосымшаны PlayMarket және AppStore-да жүктей аласыздар.

Аталмыш мобильді қосымшада навигациясы бар маршрутты салу функционалы қолжетімді, автожолдардың ағымдағы жай-күйі, трассалардың ашылуы/жабылуы, айналма жолдар, жөндеу жұмыстары, метеожағдайлар туралы өзекті ақпарат бар. Сондай-ақ республикалық жолдардың бойында орналасқан жол бойындағы сервис объектілері туралы барлық өзекті ақпарат жинақталған. Одан бөлек, ақылы жол учаскелері бойынша жол жүру теңгерімін толықтыруға да болады.

ҚазАвтоЖолдың колл-орталығын жылдам теру функциялары, сондай-ақ байланыс орталығына ЖКО, жолдардың авариялық учаскесі, қозғалыс кезіндегі кедергі туралы мәтін, фото және видео түрінде хабарлау мүмкіндігі көзделген.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив