Балалардың қатысуымен 700-ден астам жол-көлік оқиғасы тіркелген
Фото: egemen.kz
Елде жыл басынан бері балалардың қатысуымен 700-ден астам жол-көлік оқиғасы тіркелген.
Ішкі істер министрлігінің әкімшілік полиция комитетінің басқарма басшысы Әсет Оспанов балалардың жол қозғалысы кезіндегі іс-қимылы ата-анасының әрекетіне қарай қалыптасатынын жеткізген, деп хабарлайды Altaynews Қазақпарат агенттігіне сілтеме жасап.
– Жаз мезгілінде балалардың қауіпсіздігіне ерекше мән беріледі. Себебі каникул кезінде олардың бос уақыты көп. Кейде балалар жол қауіпсіздігі ережелерін сақтамай жатады. Ата-анасына қарап бой түзейді, мысалы, ата-ана жол бойын кесіп өте салса, оны көрген бала қайталайды. Жыл басынан бері балалардың қатысуымен 700-ден астам жол көлік оқиғасы тіркелді, - деді Әсет Оспанов.
Сонымен қатар, ол жол қауіпсіздігін қамту мақсатында бірқатар шара жүргізілгенін атап өткен.
– Жол-көлік оқиғаларының алдын алу мақсатында жыл сайын «Назар аударыңыз, балалар!», «Қауіпсіз жол», «Мектепке жол», тағы сол сияқты профилактикалық шаралар өткізіледі. Мысалы, 15-31 мамыр аралығында ел көлемінде «Назар аударыңыз – балалар» іс-шарасы өтті. Мақсаты – балаларға жол-көлік ережелерін үйрету, қауіпсіздіктің маңыздылығын түсіндіру, - дейді Әсет Оспанов.
217
0
0
Сонымен қатар оқыңыз
ШҚО-да "Назар аударыңыз, балалар!" жедел алдын алу шарасы өтудеЖыл басынан облыс жолдарында балалардың қатысуымен 127 жол-көлік апаты тіркелдіБиыл ШҚО-да жол-көлік оқиғалары недәуір азайыптыБалалардың қатысуымен 62 жол-көлік оқиғасы тіркелген - ШҚОШҚО-да жыл басынан бері 23 бала жол апатынан зардап шекті