Бұған дейін хабарлағанымыздай, елімізде Парламенті Мәжілісі мен барлық деңгейдегі мәслихат депуттарын сайлау өтіп жатыр.

Шығыс Қазақстан облысында дәл қазір 533 сайлау учаскесі жұмыс істеп тұр, деп хабарлайды Altaynews тілшісі.

Өңір бойынша 500 мыңға жуық сайлаушы дауыс береді деп күтілуде.  Бұл ретте мыңнан астам сайлаушы басқа өңірде дауыс беру үшін есептен шығару куәлігін алғанын айта кету керек.

– Соңғы мәліметтерге сүйенсек, Шығыс Қазақстанда 499 085 адам сайлаушылар тізіміне енгізілген. Алайда бұл көрсеткіштің өзгеруі де ықтимал, өйткені өңірге басқа облыс тұрғындары келуі мүмкін, – деп мәлімдеді облыстық сайлау комиссиясы төрағасының орынбасары Жанар Алканова.

Естеріңізге сала кетейік, облыс орталығында сағат 20:00-ге дейін жұмыс істейтін 122 сайлау учаскесі ашылды.