Еліміздің Денсаулық сақтау министрлігі жақын арада ШҚО ауылдарындағы жаңа МСАК нысандарына қаражат бөлетін болса,  медициналық пункттер биыл ашылуы да мүмкін.

ҚР Премьер-Министрінің орынбасары Алтай Көлгінов өңірге сапары кезінде бұл міндетті тез арада шешу үшін көмектесуге уәде берді, деп хабарлайды Altaynews тілшісі.  

Сондай-ақ ол елімізде ауылдық денсаулық сақтауды жаңғырту бағдарламасы бойынша 600-ден астам медициналық нысан ашылатынын айтты. Олардың ішінде медициналық және фельдшерлік-акушерлік пункттер, дәрігерлік амбулаториялар бар. Ауылда медициналық қызметтің сапасын арттыру үшін 32 ауданаралық аурухана медициналық жабдықтар – КТ, МРТ аспаптарымен, ангиографтармен, УДЗ, рентген аппараттарымен қамтамасыз етіледі.

Естеріңізге сала кетейік, ШҚО-ға сапары барысында Алтай Көлгінов Шығыс Қазақстанның медицина саласындағы тәжірибесін республиканың басқа облыстарына да тарату керектігін айтқан болатын.