"Қазгидромет" ШҚ филиалының ақпаратына сүйенсек, 5 маусым күні түстен кейін облыстың басым бөлігінде 35 градусқа дейін қатты ыстық болады деп күтілуде.

Соған байланысты облыстың солтүстік-батысында төтенше өрт қаупі күтілуде, деп хабарлайды Altaynews тілшісі.

ШҚО ТЖД күннің ең ыстық уақытында сыртқа шықпауды халықтың есіне салады.

Қауіпсіздік және өрттің алдын алу мақсатында азаматтардың орман аймағына баруын шектеген дұрыс.

Бұл кезеңде шөпті өртеуге, орманда от жағуға болмайды. Балаларға от пен сіріңке ойындарының қауіптілігі туралы түсіндіру керек. Жол жиектерімен жүрген кезде көлік терезесінен сөндірілмеген темекі тұқылдарын тастауға жол бермеу абзал. Жазғы саяжайларда алғашқы өрт сөндіру құралдары – су құйылған бөшке, құм және өрт сөндіргіш болғаны жөн.

ТЖ кезінде 101 және 112 телефондары бойынша хабарлау қажет.