ШҚО-да 10 мамыр мен 2 маусым аралығында студенттер арасында далалық оқу-жаттығу жиыны өтті.

Шараны ұйымдастырудағы мақсат – Қарулы күштердің мәртебесін өсіру, жастардың бойындағы патриотизмді нығайту, деп хабарлайды Altaynews тілшісі.

Жиын Бұқтырма су қоймасының Катонқарағай ауданы аумағындағы бөлігінің жағасында орналасқан Абай атындағы Шығыс Қазақстан гуманитарлық колледжінің оқу-өндірістік базасында өтті.

Шара шеңберінде жасөспірімдер бойында тактикалық, саптық даярлық бойынша практикалық дағдыны қалыптастыруға басымдық берілді. Жиын барысында әскери ойын, спорттық жарыс және басқа да шаралар ұйымдастырылды.