Өскеменде жағалауды Спорт сарайынан Шәкәрім даңғылының тұсындағы Үлбі арқылы өтетін көпірге дейін абаттандыру жоспарлануда, деп хабарлайды Алтайньюс тілшісі.
 
Қалалық құрылыс бөлімінің мәліметі бойынша, қазір "Абай және Шәкәрім даңғылдарының тұсындағы көпірлер арасында инженерлік-коммуникациялық инфрақұрылым құрылысы" жобалық-сметалық құжаттамасы әзірленуде.

Жоба аясында Спорт сарайынан Шәкәрім көпіріне дейінгі жағалауды абаттандыру қарастырылған. 

- Жобалық-сметалық құжаттама әзірлеу аяқтала салысымен құрылысқа және жобаны іске асыруға бюджеттік өтінім берілетін болады, — деп айтып өтті құрылыс бөлімі.