Өскемен
-14°
туман ветер 3,1 м/с, ЮВ
468.98 493.74 7.59

Өскемендік дәрігерлер 2 бірдей жүкті әйелге күрделі ота жасады

5.10.2022, 10:06 9 0 Ләззат Қанатқызы

Өскемендік дәрігерлер МӘМС шеңберінде мойын жүктілігі кезінде ағзаларды сақтайтын операцияларды  жасайды, деп хабарлайды Алтайньюс тілшісі.

Бұл туралы ШҚО ӘМСҚ баспасөз қызметі мәлімдеді.

Облыстық аурухананың гинекология бөлімшесіне өте сирек патология –  жатыр мойны  жүктілігімен екі әйел бір мезгілде түскен. Мамандардың айтуынша, бұл өте сирек, 9000-12000 жүктілікте бір рет кездесетін  аномалия.

-        Жатырдан тыс жүктілікті сақтау және бала көтеру мүмкін емес, бұл сөзсіз плацентаның бөлінуіне әкеліп соғады, көп қан кету әйелдің  өліміне әкеледі. Нақты диагноз қойылғаннан кейін екі пациентке де жүктілікті мүмкіндігінше ертерек үзу қажет болды. Бірақ жатырға енген эмбрионды әдеттегі жолмен алып тастаса, сөзсіз өте көп қан кетер еді, - дейді дәрігерлері.

Гинекология бөлімінің меңгерушісі Наталья Удалованың айтуынша, соңғы уақытқа дейін мұндай патологияны емдеудің жалғыз әдісі -жатырды алып тастау болған. Бірақ бірнеше жылдан бері  облыстық аурухананың гинекология бөлімшесінде дәрігерлер екі кезеңнен тұратын ағзаны сақтайтын ем-жом жүргізіп келеді.

-Алдымен, екі әйелге де жатыр мойны мен эмбрионды қоректендіретін жатыр артерияларының эмболизациясын жүргізді, бұл осы аймақтағы қан ағымын азайтуға мүмкіндік берді. Отадан кейінгі үшінші күні мамандар енді дамып келе жатқан ұрық жұмыртқасын алып тастады. Бұл әдісті қолдану жаппай қан кету қаупін жойды және екі әйелдің де жатырын сақтап қалды. Демек, екі науқас та болашақта жүкті болып, дені сау сәбилерді көтере алады деген үміт бар, — деді гинекология бөлімшесінің дәрігері Талғат Ошаев.

Айта кетейік, МӘМС аясында осындай бір операция мен ары қарай емделуіне шамамен 1 млн.теңге жұмсалады.  

Біздің Instagram-ға жазылыңыз

Жаңалықтарды жылдамырақ көріңіз

Жазылу

Пікірлер (0)

Кликните на изображение чтобы обновить код, если он неразборчив