Қазақстанда мектептердегі медицинаның жаңа тәртібі мен стандарттары қабылданады. Бұл туралы Денсаулық сақтау министрі Ажар Ғиният мемлекет басшысының қабылдауы барысында мәлімдеді, деп хабарлайды Altaynews тілшісі.

Қабылдауда министр Қасым-Жомарт Тоқаевқа еліміздегі эпидемиологиялық ахуал туралы баяндап, денсаулық сақтау саласын жетілдіру жөніндегі жоспарын таныстырды. Айтуынша, министрліктің жұмыс жоспары ең алдымен алғашқы медициналық көмекті жетілдіруге, ауыл-аймақтардағы денсаулық сақтау жүйесінің сапасын арттыруға бағытталған.

Сонымен қатар, биыл Балалар жылы болып жарияланғандықтан, балалардың денсаулығына көп көңіл бөлінеді. Атап айтқанда, мектептегі медицинаның жаңа тәртібі мен стандарты қабылданады екен.