Өскемен
-18°
небольшая облачность ветер 2 м/с, СВ
472.14 498.39 7.65

ШҚО-да аудандық ауруханалардың кураторлық жүйесі жұмысын бастады

21.09.2022, 09:35 11 0 Ләззат Қанатқызы

ШҚО денсаулық сақтау саласында аудандық ауруханалардың кураторлық жүйесі жұмыс істейді, деп хабарлайды Алтайньюс тілшісі.

Кураторлар болып облыс орталығының ірі денсаулық сақтау мекемелерінің тәжірибелі және беделді басшылары тағайындалып, жұмыс кестесі мен ережелері бекітілді.

Жобаны тиімді іске асыру, іс-қимылдарды үйлестіру және өңір тұрғындарының мүддесі үшін жедел шешімдер қабылдау мақсатында облыстық денсаулық сақтау басшысы Өскемендегі  медициналық мекемелердің әрбір бас дәрігеріне аудандық ауруханаларды бекіту туралы шешім қабылдады, осылайша ауылдық медицинаға ерекше көңіл бөлінбек.

Бүгінде кураторлар тұрақты түрде аудандарға шығып, өзекті мәселелерді сол жерлерде шешеді. Кураторлар жұмысының маңызды бөлігі ауылдағы әріптестеріне онкологиялық ауруларды емдеу, жіті инфаркт пен инсульт кезінде көмек көрсету, босандыру және балаларға медициналық қызмет көрсету кезінде әдістемелік көмек көрсету болып табылады.

Мәселен, облыстық фтизиопульмонология орталығының бас дәрігері Райф Сафиоллинова куратор ретінде Катонқарағай және Үлкен Нарын ауылдарындағы аудандық ауруханаларға барып қайтты.

Ол ауруханаларды аралап, аудан тұрғындарына  медициналық қызмет көрсету сапасына талдау жасады. Әсіресе қан айналымы жүйесі аурулары, онкологиялық аурулар, туберкулез, ана мен бала аурулары бойынша, сондай-ақ қаржы-экономикалық қызмет бойынша сараптама жасалды.

-Аурухана ұжымымен кездесу өтті, барлық ұжымның іс-қимылын үйлестіруді талап ететін негізгі мәселелер айтылды, аса өткір мәселелерді шешу жолдары ұсынылды. Бұл бағыттағы жұмыс жүйелі болады, оның мақсаты - ауыл тұрғындарына медициналық көмек деңгейін арттыру, - деп атап өтті Райфа Сафиоллинова.

Зайсан ауданының медициналық нысандарының кураторы ретінде №1 емхананың бас дәрігері Айман Мырамытова өз әсерлерімен бөлісті.

-Менің куратор ретіндегі алғашқы кездесуім Зайсан аудандық орталық ауруханасында, Зайсан қаласының медициналық-санитарлық алғашқы көмек нысанында, Айнабұлақ, Сейтерек ауылдарында өтті. Әрине, бұл медициналық көмек көрсету, пациенттерге қолдау көрсету қызметінің жұмысын жақсарту, индикаторлар көрсеткіштерін жақсарту, медициналық ұйым базасында жоғары технологиялық медициналық қызметтерді арттыру бойынша қандай да бір проблемаларды шешудің бірлескен процесі. Аудандық аурухананы аралаған кезде перзентхана бөлімшесін жөндеу барысымен таныстым, медицтиналық нысан жақын арада босануға көмек көрсету бойынша екінші деңгейге өтуге дайындалуда, — дейді Айман Мырамытова.

Біздің Instagram-ға жазылыңыз

Жаңалықтарды жылдамырақ көріңіз

Жазылу

Пікірлер (0)

Кликните на изображение чтобы обновить код, если он неразборчив