Шығысқазақстандық нейрохирургтар үшкіл нерв (тройничный нерв) невралгиясымен ауыратын науқастарды емдеуде жаңа технологияны игерді.

Шеберлік оқу аясында "Алматы қаласының орталық клиникалық ауруханасы" АҚ нейрохирургия бөлімшесінің меңгерушісі Марат Саршаев өз білімі және тәжірибесімен бөлісті. Ол өңірге "Президент Іс Басқармасының Медициналық орталығы күндері" аясындағы делегация құрамында келген, деп хабарлайды Altaynews тілшісі.

Шеберлік сынып барысында соңғы он жылда осы патологиядан зардап шегіп келген 56 жастағы науқасқа сәтті операция жасалды.

Енді осындай патологиясы бар пациенттер облыстық мамандандырылған медициналық орталығында операция жасата алады. Бұл медициналық көмек МӘМС шеңберінде қолжетімді. Орталық дәрігерлерінің айтуынша, жыл сайын осындай проблемамен инновациялық медицина бөліміне ондаған пациент жүгінеді. Көбінесе пациенттер мұндай жағдайларда медициналық көмекке қайда жүгіну керектігін білмегендіктен қатты ауырсынуға шыдап жүре береді.