«AMANAT» партиясы жанындағы «Jas Otan» Жастар қанатының Шығыс Қазақстан облыстық филиалының ұйымдастыруымен Республикалық «Таза сессия» акциясы өткізілді.

Акция Өскемен қаласының   Д. Серікбаев атындағы Шығыс Қазақстан техникалық университетінде өткізілді.

Акцияның мақсаты студент жастар арасында сыбайлас жемқорлыққа қарсы мәдениетті қалыптастыру арқылы жоғары оқу орнындағы сыбайлас жемқорлық фактілерін анықтау.

Акцияға Шығыс – Адалдық Алаңы жобалық кеңсесінің менеджері, Өскемен қалалық мәслихатының депуттары және Жастарды қолдау кеңесінің мүшелері қатысты.

Республикалық акция еліміздің әр өңірінен бастау алып, студент жастарға анонимді түрде сауалнамалар жүргізілуде. Сондай-ақ, бұл акция сыбайлас жемқорлыққа қарсы мәдениетті студенттер арасына қалыптастырады - деді «AMANAT» партиясының жастар қанатының ШҚОФ төрағасы – Айтмұқаш Алмас.