Бүгінгі таңда ШҚО-да мүмкіндігі шектеулі 27,6 мың адам тұрады.

Оның ішінде, 2,7 мың адам - I топ, 11,6 мың адам - II топ, ал III топқа - 10,5 мың адам жатады. Сондай-ақ 2,8 мың мүгедектігі бар балалар бар, деп хабарлайды Altaynews тілшісі.

Бұл туралы Өңірлік коммуникациялар қызметінде өткен баспасөз конференциясында ШҚО жұмыспен қамтуды үйлестіру және әлеуметтік бағдарламалар басқармасы басшысының орынбасары Қайырғазинов Досхан айтып берді.

Спикердің айтуынша, облыста мүгедектігі бар адамдарды қолдау жүйесін жақсарту 2025 жылға дейін мүгедектігі бар адамдардың құқықтарын қамтамасыз ету және өмір сүру сапасын жақсарту жөніндегі ұлттық жоспарды іске асыру шеңберінде жүргізілетін көрінеді.

Барлығы ағымдағы жылдың 1 желтоқсанына оңалтудың жеке бағдарламасына сәйкес, мұқтаждардың жалпы санынан мүгедектігі бар адамдардың 92,5%-ы (барлығы 11901 өтініштің 11004-і) қамтамасыз етілген.