Жемқорлық фактілері бойынша Көкпекті ауданы көш бастап тұр
Өскеменде өткен мемлекеттік қызметкерлердің әдеп кеңесінде осындай мәлімет айтылды, деп хабарлайды Алтайньюс тілшісі.
Жемқорлық фактілері бойынша Көкпекті ауданы көш бастап тұр десе де болады. Балабақша мен мектептерде орын алған ұсақ жемқорлық оқиғалары мемлекет қазынасына 32 млн теңген шығын келтіріпті. Ал мемлекеттік сатып алу бойынша 99 млн теңге мақсатсыз игерілген. «Өңірлерді дамыту» бағдарламасы бойынша 24 млн теңгенің заңбұзушылығы анықталған.
«Юпитер» зерттеу орталығының әлеуметтік зерттеуіне сенсек, Көкпекті ауданында жемқорлық көрсеткіштері өзге аудандардан әлдеқайда жоғары болып тұр» - деді Мемлекеттік қызмет және сыбайлас жемқорлықпен күрес департаментінің өкілі.