13 мамырда Күршім ауданы көші-қон қызметінің қызметкерлері жеке кәсіпкерде Өзбекстан Республикасы азаматтарының еңбек қызметін жүзеге асыруға арналған рұқсатынсыз жұмыс істегенін анықтады.

Шетелдіктерге қатысты ҚР ӘҚБтК-ның 517 бабының 5 бөлігіне (шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы) сәйкес әкімшілік материал толтырылып, ары қарай шешім қабылдау үшін Күршім аудандық сотына жіберілді.

Жұмыс берушіні ҚР ӘҚБтК-ның 519-бабына (шетелдiк жұмыс күшiн және еңбекшi көшiп келушілерді Қазақстан Республикасының заңнамасын бұза отырып тарту) сәйкес әкімшілік жауапкершілікке тарту үшін материал ШҚО Мемлекеттік еңбек инспекциясы басқармасына жолданды.