Заңсыз ағаш кескендер заң алдында жауап береді - Өскемен
Әлеуметтік желідегі парақшалардың біріне облыс орталығындағы Славский жағалауы, 20 мекенжайында ағаштарды заңсыз кесіп жатқаны туралы ақпарат пайда болды.
- Сәлеметсіз бе! Славский жағалауы, 20. Бір ай өтті, еш өзгеріс жоқ. Әлі күнге дейін ағаштар заңсыз кесіліп жатыр. Орнына да ешкім жаңа көшеттер отырғызып жатқан жоқ. ТҮКШ бөлімі бұған не дейсіздер? - делінген жазбада.
Оқиға қатысты Өскемен қалалық ТҮКШ, жолаушылар тасымалы, автомобиль жолдары бөлімі түсініктеме берді.
- ТҮКШ бөлімі ешқандай ағашты кесуге рұқсат берген жоқ. Аталған факті бойынша полиция бөліміне арыз жолданды, - дейді жауапты өкілдер.