30 қараша күні сағат 22.40 шамасында Акин Мустафа есімді Түркиядан келген жүргізуші  "Өскемен-Семей" тас жолында тұрып қалған.

Сол уақытта кезекшілікте жүрген ШҚО ПД патрульдік полиция батальонының қызметкерлері полиция аға лейтенанттары Кәкенов пен Алтайұлы "Ман" маркалы көлікті байқап, бірден көмекке келген, деп хабарлайды Altaynews тілшісі.

Полицейлер өзге ұлт өкілін бірден Таврия кенттік полиция бөліміне жеткізген.

Ал, 1 желтоқсанда Ұлан ауданы полиция бөлімінің учаскелік полиция майоры Мақанов Макан мен полиция капитаны Төлегенов Серғазы көліктің  бұзылу себебін анықтау үшін мамандарды шақырып, жүк көлігін жөндеуге қосалқы бөлшектер сатып алу үшін Өскемен қаласына жеткізген.
Жөндеу жұмыстары аяқталғаннан кейін Мұстафа Акин өзінің туған қаласы Ақсарайға аттанып кетті.