Қазақстанның оңтүстігі, оңтүстік-шығысы мен шығысында ақпан айы негізінен жылы және жауын-шашынды болады деп күтілуде.

Қазгидромет ақпан айындағы су тасқынына қатысты болжамды жариялады, деп хабарлайды Altaynews тілшісі.

Ақпан айында температуралық фон жоғарылап, қатты жаңбыр жауған жағдайда, Қазақстанның оңтүстігі, оңтүстік-шығысы мен шығысындағы тау өзендерінде еріген қар және жаңбыр суынан ауқымды тасқын болуы мүмкін.

Консультативтік синоптикалық ауа райы болжамына сәйкес, 2023 жылдың ақпан айында ел аумағының басым бөлігінде ауа температурасы нормаға жуық. Ал республиканың оңтүстік және шығыс өңірлерінде негізінен жылы және жауын-шашынды ауа райы болуы мүмкін.