Жылыту маусымы басталғалы 11 адам көз жұмған – ШҚО
Облыста тілсіз жаудың алдын алу бойынша жүргізілген кең ауқымды профилактикалық жұмыстардың арқасында өрт оқиғалары 11,1% - ға төмендеген.
Бұл туралы Өңірлік коммуникациялар қызметінде өткен баспасөз конференциясында ШҚО ТЖД Мемлекеттік өрт бақылау басқармасының бастығы Нұржан Өміржанов айтты, деп хабарлайды Altaynews тілшісі.
Десе де, өрт кезінде адам өлімі 27,2% - ға артып, жылыту кезеңі басталғаннан бері 11 адамды құраған. Оның 40% - ы алкогольді асыра пайдаланған көрінеді.
- Жыл басынан бері бұзылған пешті жылыту кезінде көміртегі тотығынан уланып 1 адам қаза тапты. Жылыту кезеңінде зардап шеккендердің саны 37% - ға артты. Жазатайым оқиғалардың себептері көбінесе пеште жарықтардың пайда болу, тартпай қалу және пештердің тазаланбаған түтін мұржалары салдарынан болған, - деп атап өтті Нұржан Қибатуллаұлы.
ШҚО ТЖД мамандарының деректері бойынша, өрт оқиғалары көбінесе жеке тұрғын үйлерде пайда болады.
Оқи отырыңыз
