ШҚО ТЖД мамандары өрт оқиғалары мен жазатайым оқиғалардың алдын алу үшін 190 000-нан астам ауланы аралап шығып, нәтижесінде үйлерде өрт қауіпсіздігі талаптарын бұзған 44 689 жағдай тіркелді.

Қазір облыс аумағында әлеуметтік осал азаматтар тұратын 3 174 үй тіркелген, деп хабарлайды Altaynews тілшісі.

Жауапты мамандар аталмыш мекенжайларды аралап, талапқа сай келмейтін 2357 жағдай анықталды.

ШҚО ТЖД мамандары тұрғындарға төмендегі  қауіпсіздік шараларын сақтауды ұсынады:

- Пешті жанғыш сұйықтықтармен жақпаңыз. Оларды пайдалану жарылыс болып, өрттің туындауына әкеп соғуы мүмкін;

- Пештерде отын, кір және басқа да жанғыш материалдарды кептіруге болмайды;

- Ашық есіктері бар пештерді жағуға, оларды қараусыз қалдыруға, сондай-ақ балаларға жанып жатқан пештерді қадағалауды тапсыруға болмайды.