Өскемен
-30°
плотный туман ветер 1 м/с, С
468.9 485.64 7.7

Нұрлан Әуесбаев Шымкенттегі ЖСДП активімен кездесті

3.11.2022, 15:29 149 0 Ләззат Қанатқызы

ҚР Президенттігіне үміткер Нұрлан Әуесбаев Шымкенттегі Жалпыхалықтық социал-демократиялық партияның активімен кездесті.

Бұл туралы кандидат әлеуметтік желідегі парақшасында жариялады, деп хабарлайды Altaynews тілшісі.

Нұрлан Әуесбаев жиналғандарды алдымен өзінің сайлауалды бағдарламасымен таныстырып, артынша сұрақтарға жауап берді.

- Кездесу өте қызықты әрі тартысты өтті. Азаматтарымыздың әділдікті аңсайтынына тағы бір мәрте көзім жетті. Бұл жердегі басты әңгіме тек әділ сот төрелігінде ғана емес. Біз экономикада да, әлеуметтік саясатта да, әлеуметтік лифтілерге қолжетімділікте де әділдікке мұқтажбыз, - деп жазды ол әлеуметтік желідегі ресми парақшасында.

Бұған дейін үміткер үгіт-насихат науқаны аясында Шымкент қаласының тұрғындарымен кездескенін хабарлаған болатынбыз.

Естеріңізге сала кетейік, сайлау алдындағы үгіт-насихат 2022 жылғы 21 қазанда басталды және сайлаудан бір күн бұрын, яғни 19 қарашада аяқталады. 19 қараша – республика бойынша тыныштық күні. Ал, 20 қарашада президент сайлауы өтеді.

Біздің Instagram-ға жазылыңыз

Жаңалықтарды жылдамырақ көріңіз

Жазылу

Пікірлер (0)

Кликните на изображение чтобы обновить код, если он неразборчив